Tanınmış teleaparıcı Elçin Əlibəyli alış-veriş zamanı fırıldaqla üz-üzə qaldığını bildirib.

Millitv.az yenicag.az-a istinadla xəbər verir ki, Əlibəyli bununla bağlı sosial şəbəkə hesabında paylaşım edib:

“Marketlərdə ikiqat diqqətli olmaq lazımdır! Məhsulun keyfiyyəti başqa, istifadə müddəti bir başqa…

Bu gün 122.53 manatlıq alış-verişdə “Bizim market” (“Yasamal-2” filialı) 55.73 manat artıq hesablayıb. Təkrar qayıdıb haqqımı tələb etdim. Bu zaman həm vaxtım, həm də əsəbim getdi. Hesablamanı və kod oxumanı da maşın edirsə, niyə bu məbləğ artıq çıxmalıdır? Bu “Bizim market”də başıma gələn dördüncü eyni hadisədir. Amma əvvəl fərq 12, 6, 4 manatla kifayətlənirdi, indi bunun da dərəcəsini artırıblar. Buna görə də kassada da diqqətli olun!”

O, baş verən hadisəyə görə əlaqədar quruma müraciət etdiyini bildirib:

“Artıq Antiinhisar və İstehlak Bazarına Nəzarət Dövlət Xidmətinə müraciət etməyə məcbur oldum”.