Bunu Vyetnama dövlət səfərində olan Fransa Prezidenti Emmanuel Makron jurnalistlərə açıqlamasında bildirib.
"Səfər çərçivəsində 9 milyard avro məbləğində müqavilələr imzalanıb", - o qeyd edib.
Makronun sözlərinə görə, demək olar ki, bütün əsas sektorlarda, o cümlədən aviasiya və dəmir yolu sahələrində bağlanmış müqavilələr iki dövlət arasında müdafiə, aviasiya və energetika sahələrində möhkəm əlaqələrin mövcudluğunu vurğulayır.
2024-cü ildə iki ölkə arasında ticarət dövriyyəsi 2023-cü illə müqayisədə 12,9 % artaraq 5,42 milyard dollara çatıb.
