Rusiya prezidenti Vladimir Putin MDB dövlət başçılarının qeyri-rəsmi görüşündən sonra bir neçə ayrı söhbət edib.

Bu barədə Federasiya başçısının mətbuat katibi Dmitri Peskov məlumat verib.

"Ayaq üstə bir neçə ayrı söhbət olub", - deyə Peskov bildirib.

Onun hansı dövlət başçıları ilə ayrıca görüşdüyü hələlik açıqlanmır.

Qeyd edək ki, oktyabrın 7-də Sankt-Peterburq şəhərində keçirilən MDB liderlərinin qeyri-rəsmi sammiti başa çatıb.