Hindistanın Aqra şəhərində (Uttar-Pradeş ştatı) Tac-Mahal məqbərəsindən azı min turist partlayış təhlükəsi səbəbindən təxliyə edilib.

“Hindustan Times”ın yerli polisə istinadən verdiyi məlumata görə, təcili təxliyə partlayışla bağlı anonim telefon xəbərdarlığından sonra həyata keçirilib.

Tac-Mahal kompleksi polis tərəfindən mühasirəyə alınıb. Təhlükəsizlik qüvvələri partlayıcı qurğunu axtarır.